Kombëtarja shqiptare ditën e djeshme ka zhvilluar stërvitjen e parë për ndeshjet e Nations League. Grupi i lojtarëve nuk ishte ende i plotë, teks ditën e sotme pritet të plotësohet.
Siç dihet Armando Broja nuk do të jetë i gatshëm për sfidën me Ukrainën dhe Gjeorgjinë pasi ka probleme me tendinën e Akilin, teksa në vend të tij Sylvinho ka ftuar Myrto Uzunin.
Por jo vetëm ka, pasi stërvitja e parë e kuqezinjve nuk ka shkuar siç duhet për Berat Gjimshitin. Kapiteni është dëmtuar, ku mësohet se ka një tërheqje muskulare. Në vend të tij Sylvinho ka thërritur mbrojtësin e kombëtares U21, që ndodhet gjithashtu në grumbullim për ndeshjet e sajë, Adrian Bajramin, 22-vjeçarin që aktivizohet tek Benfika B në kampionatin portugez.
Nuk dihet ende se sa do të zgjasë ky dëmtim i kapitenit, por që nga shenjat e para duket se kapiteni kuqezi dhe futbollisti i Atalantës mund të humbasë ndeshjen e parë të Ligës së Kombeve atë përballë Ukrainës më 7 shtator.
Ende nuk dihet nëse do të jetë në gjendje për të qenë i gatshëm në ndeshjen e dytë, atë ndaj Gjeorgjisë më 10 shtator në Tiranë.
