Reprezentuesi i Maqedonisë së Veriut, Agon Elezi, shpreh pritshmëritë e tij nga ndeshjet në Ligën e Kombeve.
Ai beson e shpreson se Maqedonia e Veriut do t’i fitojë dy ndeshjet e para kundër Ishujve Faroe dhe Armenisë.
Elezi thotë se objektivi i Maqedonisë është vendi i parë në grup në Ligën e Kombeve.
“Jam i lumtur që jam sërish pjesë e kombëtares.
Në skuadër është atmosferë pozitive. Qëllimi ynë është vendi i parë. Jemi në fillim të sezonit dhe të gjithë djemtë janë plotësisht të përgatitur dhe të etur për një rezultat të mirë.
Në futbollin modern, nuk ka ndeshje të fituara para kohe. Maqedonia në këtë grup synon vendin e parë, duke pasur parasysh cilësinë tonë, kemi të drejtë të besojmë por atë duhet ta tregojmë në fushë”, ka thënë Elezi.
