Juventus-i, siç e dimë, ka qenë shumë aktive në merkato, me shumë lamtumira të bujshme dhe investime të rëndësishme.
Megjithatë, një nga blerjet e reja duket se ka përfunduar që tani në shënjestrën e një klubi të madh.
Manchester United po ndjek me vëmendje atë që po ndodh në Torino dhe duket se ka gjetur te bardhezinjtë një përforcim të mundshëm për sezonin e ardhshëm.
Sipas spanjolles Fichajes.net, Cabal ka tërhequr vëmendjen e Djajve të Kuq. Pas vetëm pak ndeshjesh me Juventus-in, ish-lojtari i Verona-s ka treguar se mund të luajë në një klub të nivelit të larë.
23-vjeçari pëlqehet shumë për aftësinë e tij për të luajtur në disa pozicione. Por edhe Juventus është shumë e kënaqur me lojtarin dhe nuk ka ndërmend ta lërë të largohet.
Madje, duket se ka filluar që tani të punojë për një ndryshim në kontratën e Cabal, për të përfshirë një klauzolë që do ta mbronte nga sulmet e mundshme të klubeve të interesuar.
