Federata e Futbollit e Kosovës ka bërë të ditur zyrtarisht para pak minutave se janë shitur të gjitha biletat për ndeshjes mes Kosovës dhe Rumanisë, që do të luhet më 6 shtator (20.45) në stadiumin “Fadil Vokrri” në Prishtinë.
Ndeshja luhet në kuadër të xhiros së parë të Ligës C të Kombeve në futboll.
“Të gjitha biletat për ndeshjen Kosovë - Rumani janë shitur!
Ju njoftojmë se të gjitha biletat për ndeshjen e shumëpritur Kosovë - Rumani janë shitur!
Faleminderit për mbështetje të jashtëzakonshme dhe entuziazmin tuaj të pafund.
Jemi të lumtur që stadiumi “Fadil Vokrri”, si gjithmonë, do të jetë i mbushur me energji dhe pasion për të mbështetur Dardanët tanë!”, njofton FFK.
