Kombëtarja e Kosovës është gati për ballafaqimin e parë të Ligës C të Kombeve, ku do të ndeshet me Rumaninë.
Fakt interesant është se janë shitur të gjitha biletat.
Ndeshje që pritet me emocione të mëdha, ndërsa Dardanët synojnë të startojnë me fitore.
Gazetari dhe komentatori sportiv në Radio Kosovë Edmond Thaçi, ka shkruar në profilin e tij në facebook, se këta futbollistë kanë nevojë për përkrahje më shumë se kurrë.
Kryetari i Shoqatës së Gazetarëve Sportivë të Kosovës, ka një mesazh të qartë para sfidës së madhe.
“Këta futbollistë kanë nevojë më shumë se kurrë për përkrahjen e të gjithëve në misionin e tyre, ta fitojnë grupin në ciklin e ri te Ligës së Kombeve.
Jo vetëm shteti, flamuri apo stema, por bëhet fjalë për imazhin e futbollit tonë në arenën ndërkombëtare.
Sporti e ka dëshmuar që është ambasadori më i mirë për vendin tonë.
Dashamirët e futbollit, ‘Dardanet’, gazetarët, punëtorët sportivë e deri të prijësit e FFK-së, të jenë bashkë për një qellim, suksesi i Kosovës sonë.
E premtja me fat ndaj Rumanisë, na prift e mbara!”, ka shkruar Thaçi.
