Lionel Scaloni foli në një konferencë për shtyp në prag të ndeshjes kundër Kilit, e vlefshme për kualifikueset e Kupës së Botës 2026: “Kam diskutuar personalisht me Messin përpara se të shpallja listën për këtë ndeshje. Më tregoi se si ishte fizikisht, më tha se nuk ishte stërvitur, kështu që e mendova të përshtatshme të mos e grumbulloja.
Leo më tha se është duke u përmirësuar, mbetet çështje kohe para se të kthehet për të luajtur me ekipin e tij. Mendoj se Ángel Correa do ta veshë fanellën me numrin 10 në këtë ndeshje, nuk është problem. Ne e dimë se “10” ka një pronar dhe se cili është”.
Shiriti i kapitenit: “Është e rëndësishme që lojtari që mban shiritin të përfaqësojë skuadrën. Kemi shumë lojtarë që dinë ta bëjnë këtë, varet cili do të futet në fushë”.
Dybala: “Thirrja e Paulo nuk ka lidhje me qëndrimin e tij në Itali. Ne e vlerësojmë për atë që bën në fushë. Thirrja u bë duke pasur parasysh ekipin, i cili mund të ketë nevojë për të në çdo moment. Kisha parasysh mungesat e disa lojtarëve. Ai është një lojtar që mund të japë kontribut tëçmuar në kombëtare”.
Lautaro dhe Julián Alvarez pajtohen taktikisht, mund të luajnë njëherazi: “Është e njëjta pyetje që më është bërë gjatë gjithë Kupës së Amerikës dhe unë do të përgjigjem si gjithmonë. Ata luajtën së bashku dhe mund të bashkëjetojnë. Varet nga ajo që duam të bëjmë dhe kushtet fizike, por mund të luajnë së bashku”.
