Ikona e Manchester Cityt, Sergio Aguero ka zbuluar se kush e merr votën e tij për të fituar Topin e Artë.
Në përgjigje të postimit të Cityt në X për nominimin e Rodrit për Topin e Artë, Aguero shkroi: “Një vit i përsosur, ti e meriton. Forca Rodri”, ka qenë mesazhi i argjentinasit, i cili ka injoruar Vinicius Junior dhe Jude Bellingham.
Rodri ka pasur një vit të jashtëzakonshëm për klubin dhe kombëtaren.
Pasi udhëhoqi Cityn drejt titullit rekord të katërt radhazi në Premier League në maj, ai luajti një rol vendimtar në triumfin e Spanjës në Euro 2024.
“Mesfushori dominues, megjithatë, përballet me konkurrencë të ashpër nga dyshja e Madridit, Bellingham dhe Vinicius, të cilët bënë paraqitje të jashtëzakonshme për Los Blancos në rrugën e tyre drejt La Liga-s dhe Champions League”.
Fituesi i 2024-ës do të zbulohet në Paris më 28 tetor.
