Agustina Gandolfo ka zbuluar një nga hobet sekrete të Lautaro Martinez, vizatimin. Partnerja e futbollistit, siç dëshmohet nga një video e shkurtër, e publikuar prej saj në Instagram, është zgjuar dhe e habitur ka parë kapitenin e Interit përballë, me kokën ulur në tavolinë.
“Njëri është shumë i lumtur, qenka ngritur nga gjumi që në orën 05:30. Nuk e kam idenë pse po vizaton tani”, – ka shkruar Agustina.
Gruaja e Lautaro Martinez nuk tregoi vizatimin e të shoqit, por tashmë dihet ky pasioni i lojtarit. Një hobi me përfitime të shumta relaksuese, për të cilin sigurisht që argjentinasi është i vetëdijshëm.
Vizatimi lehtëson stresin, rrit aktivitetin e trurit dhe përmirëson kreativitetin.
