Futbollisti i Real Madrid, Jude Bellingham tanimë ka kanalin e tij në Youtube ku poston video të ndryshme dhe flet për ngjarje mjaft interesante.
Anglezi ka treguar një moment interesant që i kishte ndodhur me trajnerin e tij Carlo Ancelott.
Ai tregonte se kanë qenë duke e shikuar një ndeshje futbolli të vëllaut të tij teksa ai kishte shënuar dy gola.
Aty nuk kishte munguar reagimi epik i Ancelottit.
“Unë ende e kujtoj kur vëllai im Jobe realizoi dy gola dhe ne ishim duke e shikuar ndeshjen me Ancelottin, teksa mu drejtua e më tha ne kemi sjellur njeriun e gabuar këtu, ne duhet të marrim atë”, u shpreh Bellingham.
Ndërsa më tutje, Jude në humor e ka pyetur italianin se në vend të kujt do të luante vëllau i tij, teksa përgjigja e Carlos ishte epike.
“Ku do të inkuadrosh atë? Ancelotti ishte përgjigjur në pozitën time”, përfundoi Bellingham.
Kujtojmë se Jude u transferua verën e kaluar nga Dortmundi tek Reali dhe ka qenë njëri ndër lotjarët më të mirë të skuadrës sezonin që lamë pas.
