Partizani nuk e ka nisur në mënyrën perfekte këtë sezon, pasi në javën e parë u mposht 0-1 nga Vllaznia.
Megjithatë, në 3 ndeshjet e radhës, “Demat” kanë grumbulluar 7 pikë.
Të kuqtë janë shfaqur mirë pas humbjes me Vllazninë, por në sy bie performanca e njërit prej “Demave”.
Është pikërisht Arinaldo Rrapaj ai që ka dhënë kontributin kryesorë në 2 fitoret e Partizanit dhe barazimin 2-2 në derbin ndaj Dinamos.
Në 4 javë kampionati, Rrapaj ka shënuar plot 3 gola, duke qenë një nga protagonistët kryesorë jo vetëm të ekipit, por edhe të Superiores. Një rilindje për 23-vjeçarin, i cili sezonin e fundit nuk u paraqit shumë mirë.
