Gostivari - Vardari do të përballen nesër nga ora 15:00 në stadiumin “Boris Trajkovski” në Shkup, në ndeshjen e javës së 5-të të Kampionatit të Maqedonisë së Veriut në futboll.
Srgjan Zaharievski, ish-futbollist dhe tash trajner në një ndeshje zyrtare në stolin e Vardarit.
Zaharievski ka respekt për skuadrën shqiptare.
“Mendoj se na pret një ndeshje e vështirë.
Respekt të madh për Gostivarin, është një ekip dhe një klub që ka treguar ambicie të mëdha për renditjen më të lartë në dy vitet e fundit.
Po luajmë kundër një ekipi cilësor me individë të mëdhenj. Shkojmë për rezultat pozitiv, nuk e fshehim se kemi ambicie fituese në këtë ndeshje”, ka thënë për “SportSport” Zaharievski.
