Egzon Aziri vazhdon me shënimin e golave edhe në Belgjikë.
Ish sulmuesi i Bashkimit nga Kumanova dje shënoi gol për skuadrën e tij të re Vilvoorde City, që garon në Ligën e 3 Provinciale.
Ekipi i tij barazoi 1-1 si mysafir i Zemst A, ndërsa kumanovari e zhbllokoi rezultatin në minutën e 69-t për 0-1. Pas tre minutave vendësit barazuan në 1-1.
Aziri luajti gjatë gjithë ndeshjes. Pas tre xhirove, Vilvoorde zë vendin e gjashtë me 5 pikë. Të dielën në fushë të vet e presin Eppegem B.
Liga 3 provinciale numëron 16 skuadra.
