Ish-mbrojtësi vendosi të japë ndihmën e tij për Berkin Arslanogullari, një portier 19-vjeçar të cilit i është prerë këmba e majtë për shkak të kancerit.
Union Berlin dhe Leonardo Bonucci ishin të lidhur kontraktualisht vetëm për disa muaj, aq sa për të hyrë në zemrën e ish-futbollistit.
Mbrojtësi në fakt ishte protagonist i një akti të vërtetë bujarie ndaj një 19-vjeçari të të rinjve të klubit gjerman, Berkin Arslanogullari, të cilit i është prerë këmba e majtë për shkak të kancerit në kockë.
Bonucci, pasi mësoi për fatkeqësinë e lojtarit, nuk u mendua dy herë dhe donte të kontribuonte duke i dhuruar 10 mijë euro djalit dhe familjes së tij, siç raportojnë mediat gjermane.
Ish-lojtari i Milanit dhe Juventusit, i cili përfundoi karrierën e tij pas një periudhe në Turqi te Fenerbahce, në fakt ka vendosur të marrë pjesë në mbledhjen e fondeve të Union Berlin për të ndihmuar Berkin Arslanogullari, operacioni i të cilit ishte i nevojshëm për shkak të avancimit të kanceri i zbuluar disa muaj më parë.
