Nëse është dikush që pret me padurim të marrë pjesë në derbin e parë të sezonit mes Interit dhe Milanit, këtë të diel (ora 20:45) në “San Siro”, sigurisht që është Marco Materazzi.
Po flasim për ish-mbrojtësin besnik të zikaltrëve, i cili në intervistën dhënë për “Gazzetta dello Sport” i uroi më të mirën skuadrës së Simone Inzaghit, që të fillojë të krijojë një hendek nga ndjekësit në renditje. “Ëndërroj fitoren e shtatë radhazi (në derbi), ëndërroj një tjetër triumf”, – tha me krenari “Matrix” në fillim.
Megjithatë, në mënyrë famëkeqe, derbi mund të prishë humorin e rivalëve të tyre kuqezinj menjëherë: “Zakonisht është një disavantazh për t’iu qasur derbit në këtë mënyrë.
Ndodh, ai që është në gjendje më të keqe para derbit, fiton. Sidoqoftë, ne po flasim për Interin. Po flasim për një skuadër që ka qenë më e forta ndonjëherë në Itali. Besoj e patë çfarë skuadre ka Inzaghi edhe ndaj Manchester City”.
Megjithatë, në fund të intervistës, Materazzi nisi një “thumbim” drejt Milanit, referuar çështjeve menaxhuese: “Ibra është shefi, më duket. A është ai në krye të Milanit?
Epo, ai nuk më bën asnjë përshtypje, sinqerisht. Le të themi se janë fjalë që janë pjesë e personazhit përkatës. Më duhet ta them këtë, si tifoz i Interit:
Shpresoj që Milani të mos e kthejë kurrë Paolo Maldinin në drejtim…”.
