Arne Slot, trajneri i Liverpullit, foli në konferencën për shtyp para ndeshjes kundër Burnemautit.
Ai u ndal edhe te situata e Darvin Nunjezit, të cilit deri më tani i është dashur të kënaqet me marrjen e përgjegjësisë gjatë ndeshjes, pra si zëvendësues.
“Ai po punon shumë, më pas do të vijnë edhe golat. Mendoj se kjo është ajo që bëri kur hyri në lojë kundër Milanit.
Një lojtar hyn në skuadër, pastaj, si pasojë, një sulmues shënon ose asiston.
Kjo ndodhi së pari me Luis Diazin, me Mo Sallahun dhe Diogo Zhota.
Nëse luani në një ekip si Liverpull-i, gjithmonë do t’i shënoni golat tuaj, ose do të jepni asiste. Për mua, mbi të gjitha ka rëndësi puna që bëjmë pa top. E di që ata mund të shënojnë gola dhe të japin asiste, dhe e njëjta gjë vlen edhe për Darvinin.
Ai do të ketë shanset e tij në të ardhmen e afërt. Po luajmë shumë ndeshje dhe mendoj se tani është gjithnjë e më i aftë për formacionin. Dita-ditës po e kupton më mirë se çfarë presim prej tij. Ai po konkurron për një vend me Diogo, i cili, për mendimin tim dhe për mendimin tonë, ka bërë shumë mirë në ndeshjet e fundit,” tha mes tjerash Slot.
