“Inter-i është shumë lart, Milan-i në krizë të madhe. Por derbi mbetet një mister”.
Ish-trajneri Arrigo Sacchi ka analizuar derbin e Milanos për Gazzetta dello Sport.
“Besoj se Simone Inzaghi po bën një punë të madhe. Inter-i ka luajtur si i barabartë me një skuadër që dominon prej vitesh në Premier. E vërteta është se Inzaghi ka realizuar detyrën më të vështirë, transformimi i një grupi me lojtarë të mirë në një skuadër të vërtetë.
“E njëjta gjë nuk mund të thuhet për Milan-in. E kam parë kundër Liverpool-it dhe ka qenë e dhimbshme. Kuqezinjve u mungon gjithçka në këtë moment dhe nuk është e lehtë të gjejë atë që mungon në pak ditë.
“Është e vërtetë se Fonseca është në sezonin e tij të parë, është e vërtetë se i duhet dhënë kohë, por është po aq e vërtetë se, për atë që kemi parë deri tani, Milan-i nuk është një skuadër”, ka thënë Sacchi.
