Manchester City dhe Arsenali barazuan në derbin e xhiros së pestë të Premier ligës angleze, por trajnerët e të dyja skuadrave u ankuan ndaj arbitrit Michael Oliver pas ndeshjes.
Trajneri i Cityt protestoi ndaj golit të parë të Arsenalit. Sipas tij, Arsenali shënoi gol pasi lojtarët e tij morën një goditje të lirë, ndërsa mbrojtësi i djathtë i Cityt Kyle Walker ishte në pozitë jashtë loje pasi arbitri e ftoi si kapiten në qendër të fushës për bisedë. Walker nuk u kthye dhe Arsenali tashmë kishte filluar të luante.
"Herën tjetër që arbitri do t'i thërrasë kapitenët për bisedë, ne nuk do të shkojmë. Ai duhet t'i lejojë ata të kthehen në pozicionin e tyre”, tha Pep Guardiola pas ndeshjes.
Trajneri i Arsenalit, Mikel Arteta fajësoi arbitrin për ndëshkimin e Leandro Trossard me kartonin e dytë të verdhë në kohën e ndalimit në pjesën e parë për goditjen e topit pas fishkëllimës.
“Preferoj të mos komentoj sepse kam parë gjithçka. Tashmë kam qenë në telashe të mëdha duke u marrë me atë që ndodhi në fushë. Nuk është shqetësimi im të merrem me atë që ndodh jashtë fushës”, tha ai në një konferencë për media.
