Pep Guardiola goditi me zemërim një karrige gjatë barazimit 2-2 të Manchester City-t ndaj rivalëve për titull, Arsenal, të dielën, i zemëruar nga goli spektakolar i Riccardo Calafiori-t në pjesën e parë për barazimin e “Topçinjve” në Etihad.
City e mori avantazhin herët përmes Erling Haaland, por skuadra e Mikel Arteta-s luftoi për të përmbysur rezultatin me një epërsi 2-1 në pushim, falë golave të Calafiori-t dhe Gabriel Magalhaes-it.
Calafiori, i cili iu bashkua Arsenalit gjatë verës, shënoi golin e tij të parë në Premier League me një goditje të fuqishme nga distanca, duke përfituar nga një goditje e lirë e shpejtë pranë qendrës së fushës.
Guardiola, i nervozuar nga barazimi i Arsenalit, reagoi me zemërim duke goditur karrigen e tij dhe duke bërtitur me forcë, duke gjestikuluar me duar në shenjë irritimi.
