Ish-ylli i Real Madridit, Toni Kroos, ka kritikuar Komitetin e Arbitrave të UEFA-s pasi ata pranuan se Gjermania duhet të kishte marrë një penallti për prekjen e topit me dorë të Marc Cucurella në EURO 2024.
Duke folur në podcastin e tij Einfach mal Luppen, Kroos falënderoi në mënyrë sarkastike Komitetin e Arbitrave për marrjen e vendimit.
Ai tha: “Atyre iu deshën tre muaj për të kuptuar se ishte një penallti, diçka që pothuajse të gjithë e panë në një sekondë. Faleminderit, nuk ishte një gjë aq e rëndësishme (me ironi).
“A mund ta shpall veten kampion europian tani që zyrtarisht kanë thënë se ishte një gabim? Nuk mendoj kështu”.
Spanja dhe Gjermania e Toni Kroos ishin barazim 1-1 në minutën e 106-të të kohës shtesë kur topi goditi dorën e Marc Cucurella brenda zonës.
Gjyqtari Anthony Taylor dhe zyrtari i VAR-it, Stuart Attwell, vendosën që nuk ishte penallti dhe skuadra spanjolle shënoi më pas golin e fitores me Mikel Moreno.
