“Unë mendoj se është vetëm një moment i keq, Interi ka ndryshuar disa lojtarë që duhet të përshtaten”.
Kështu u shpreh për “Sportmediaset” ish-lojtari i madh i zikaltërve, Maicon, lidhur me derbin e fundit të Madoninës, i fituar nga kuqezinjtë 2-1.
Më tej, braziliani shtoi: “Mbrojtja është e njëjta, që bëri kaq shumë sezonin e kaluar. Interi është një ekip, që ende mund të japë shumë. Më kujtohet derbi që fituan 4-0 në shtëpi, kundër një Milani me shumë kampionë”.
Maicon u fokusua gjithashtu te Lautaro Martinez, performanca e të cilit për momentin nuk reflekton pritshmëritë: “Ai i dha shumë Interit dhe Argjentinës, mund të japë edhe më shumë. Të gjithë lojtarët kalojnë momente të veçanta, por Lautaro do të gjejë një mënyrë për t’u rikthyer i fortë”.
Ish-mbrojtësi zikaltër u pyet dhe cilin shesh si “trashëgimtar” në rol, aktualisht, tek ekipi i drejtuar nga Simone Inzaghi: “Maicon i ri? Nuk ekziston, ajo që bëra mbetet aty. Lojtarët e tjerë në rolin tim po bëjnë shumë mirë, si Dumfries. Por Maicon është Maicon, të tjerët janë të tjerët”.
