Pasi mundën Getafen, djemtë e Hansi Flick do të kërkojnë të barazojnë serinë e fitoreve të Tata Martinos prej tetë ndeshjesh radhazi që daton në sezonin 2013-2014.
Ai kurs përfundoi pa fat, me Diego Godin (Atletiko Madrid) që i rrëmbeu titullin Barcelonës në ditën e fundit në “Camp Nou”.
HISTORIA PËRSËRITET – Ka shumë koincidenca me Barçën e asaj kohe: ata arritën me 22 gola në favor në javën e shtatë, mposhtën në shtëpi Valencian dhe Vajekanon në këtë pikë të sezonit, Vajadolidi u largua i mundur nga tempulli i Barcelonës, ndërkohë që edhe Klasikja datonte si këtë vit, 26 tetor…
Aq shumë, fati e ka dashur Barcelonën që Osasuna të jetë rivali i radhës, i njëjti që ndaloi debutimin më të mirë të ligës në histori në ndeshjen e nëntë të vitit 2013. Edhe një herë “El Sadar” do të përpiqet të ndalojë inercinë e një skuadre të pathyeshme, e cila të shtunën do të shkojë për rekordin e vet në La Liga.
Dhe nëse Barcelona do të shtonte tri pikët në Pamplona, përveç barazimit të rekordit 2013-2014, do të kishin si synim rekordin historik në Spanjë që e mban Reali i Madridit në sezonin 1968-1969 me nëntë fitore radhazi në 9 ndeshjet e para të kampionatit.
