Borussia Dortmund ka triumfuar me përmbysje kundër Bochum në ndeshjen në kuadër të Javës së pestë të Bundesligës.
Ndeshja përballje e zhvilluar në "Signal Iduna Park" është mbyllur me rezultat 4-2.
Mysafirët kanë kaluar të parët në epërsi, kur në minutën e gjashtëmbëdhjetë Bero ka shënuar për 0-1. Vetëm pesë minuta më vonë, De Wit e ka dyfishuar avantazhin në 0-2, duke i vënë nën presion të madh vendasit.
Megjithatë, në fund të pjesës së parë, Guirassy ia ka arritur ta ngushtojë rezultatin në minutën e dyzet e katërt, duke mbajtur shpresat gjallë për "milionerët".
Pjesa e dytë ishte në kontroll të plotë të Dortmundit. Fillimisht, Can e ka barazuar rezultatin në minutën e gjashtëdhjetë e dytë, duke hapur rrugën për përmbysje. Pastaj Guirassy, me golin e tij të dytë në minutën e shtatëdhjetë e pestë, e ka vendosur Dortmundin në epërsi për herë të parë në ndeshje, ndërsa Nmecha në minutën e tetëdhjetë e një e ka vulosur fitoren.
Pas kësaj ndeshje, Borussia Dortmund renditet në vendin e dytë në tabelë, ndërsa Bochum mbetet në vendin e shtatëmbëdhjetë. Tabela e Bundesligës kryesohet nga bauern Munich.
