Sparta e Pragës u mposht me rezultatin 2-3 në duelin ndaj Sigma Olomouc, ku në fushën e lojës zbritën 4 futbollistë shqiptarë.
Qazim Laçi e nisi si titullar, ndërkohë që Tuci, Rrahmani dhe Krasniqi e nisën nga stoli, me këtë të fundin që shënoi golin e dytë për Spartën.
Krasniqi gjeti rrugën e rrjetës në minutën 90+1 pas asistit të Rrahmanit, por goli i sulmuesit shqiptar të Kosovës, vlen sa për statistikë, pasi skuadra e tij nuk arriti të dilte me pikë nga ky duel.
Kjo ishte humbja e parë në këtë sezon për Spartën e Pragës, që humbi edhe vendin e parë, me kampionat që kryesohet nga Slavia e Pragës, që ka pikë të barabarta, por me 1 ndeshje me pak për t’u luajtur.
