“Do të jetë një derbi shumë i mirë dhe i luftuar, si gjithmonë, pavarësisht mungesës së Mbappe”!
Të dielën është derbi i Madridit. Në Metropolitano, Atletico e Cholo Simeone pret Realin e Carlo Ancelottit. Ivan Zamorano, ish-sulmues komentoi ndeshjen për AS:
"Unë e njoh Cholo, ne ishim shokë skuadre te Inter dhe ai e shndërroi Atleticon nga një ekip i denjë në një ekip super konkurrues.
Në fakt, nëse nuk gaboj, ata marrin pjesë në Champions League për 12 sezone radhazi, me atë aktual dhe kjo është fantastike”.
“Ai e bëri Atleticon një ekip fitues me identitetin e vet. E keqja është se Real Madridi është në të njëjtin qytet dhe në të njëjtën ligë. Këtë vit Atletico ka një ekip të jashtëzakonshëm që do të luftojë sërish për të gjithë titujt”.
“Një parashikim? Do të jetë një derbi shumë i mirë dhe i luftuar, si gjithmonë, pavarësisht mungesës së Mbappe. Vitin e kaluar fitoi Atlético, por besoj se këtë herë skuadra e Ancelottit do të fitojë 1-2, me golat e Bellingham dhe Rodrygo”.
