Arsenal-i duket se është gati të hyjë në garë për objektivin e Real Madridit, Florian Wirtz, sipas Bild.
Mesfushori gjerman ka tërhequr vëmendjen e klubeve të mëdha pas paraqitjeve të shkëlqyera të Bayer Leverkusen dhe kërkohet edhe nga Manchester City.
Wirtz ishte i shkëlqyer sezonin e kaluar, duke regjistruar 18 gola dhe 20 asiste në 49 ndeshje të luajtura në të gjitha kompeticionet, duke ndihmuar ekipin e Xabi Alonso të fitonte Bundesliga-n dhe Kupën e Gjermanisë.
Paraqitjet e 21-vjeçarit duket se kanë bindur Real Madrid-in. Los Blancos i thanë lamtumirë Toni Kroos në fund të sezonit të kaluar, me magjistarin gjerman që u tërhoq pas një karriere të shkëlqyer.
Gjigantët e La Liga-s vendosën kundër nënshkrimit të një zëvendësuesi për 34-vjeçarin këtë vit dhe thuhet se kanë identifikuar Wirtz si kandidatin ideal për sezonin e ardhshëm.
Real Madridi është gati të lëvizë për të në verën e vitit 2025, por do të përballet me konkurrencën e Arsenal-it për gjermanin.
Topçinjtë tashmë janë në rritje nën drejtimin e Mikel Arteta-s, i cili e ka shndërruar skuadrën e tij në një nga më të mirat e Premier League.
Trajneri spanjoll dëshiron të shtojë më shumë kreativitet në skuadër për të ndihmuar ekipin e tij të luftojë për trofe në Angli dhe Europë.
Klubi londinez beson se Wirtz mund t’i çojë ata në një nivel më të lartë dhe janë gati të luftojnë për të siguruar shërbimet e tij verën e ardhshme.
Pep Guardiola me sa duket është gjithashtu një tifoz i gjermanit dhe City gjithashtu mund të paraqesë një sfidë për Arsenal-in në vitin 2025.
Bayer Leverkusen pritet të kërkojë 150 milionë euro për gjermanin sipas raportit të lartpërmendur, por klubet e interesuar shpresojnë që një marrëveshje mund të arrihet për 100 milionë euro.
