Riccardo Calafiori e ka cilësuar lëvizjen e tij tek Arsenal një “hap të mirë për karrierën time” dhe shpjegon dallimet midis Serie A dhe Premier League. “Nuk do ta quaja superiore, por sigurisht ndryshe”.
Mbrojtësi u transferua nga Bologna gjatë verës për 45 milionë euro plus 5 milionë euro në bonuse dhe tashmë ka bërë për vete tifozët me paraqitjet e tij.
Kjo përfshin golin e tij të parë, një goditje në trekëndësh gjatë barazimit 2-2 në Premier League kundër Manchester City.
“Ndoshta është pak herët për të thënë, por unë mendoj se kam lënë një përshtypje të mirë”, tha Calafiori për TG1.
“Unë u përshtata shumë mirë falë shokëve të mi të skuadrës dhe njerëzve që punojnë këtu”.
Në lidhje me ndryshimet mes Serisë A dhe Premier League?
“Nuk më pëlqen të them se është superiore ndaj kampionatit tonë, por sigurisht që është ndryshe. Këtu ka më shumë intensitet, është një stil tjetër. Ardhja në Angli ishte një hap i mirë për karrierën time”.
Calafiori luajti në fitoren 3-1 të Italisë në Nations League kundër Francës në fillim të këtij muaji përpara se të pësonte një dëmtim, kështu që është një figurë kyçe në të ardhmen e “Axurrëve” të Luciano Spalletti-t.
“Është një epokë e re. Ne do të përpiqemi të harrojmë atë që ka ndodhur në të kaluarën, ose do ta përdorim atë për të mësuar dhe për të shmangur përsëritjen e të njëjtave gabime”.
Edhe pse Calafiori aktivizohet përgjithësisht si qendërmbrojtës për Italinë, ai ka luajtur si mbrojtës i majtë deri më tani tek Arsenal.
Gjithsesi, trajneri Mikel Arteta duket se i ka lënë njëfarë lirie për të lëvizur në fushë.
