Milani e mbylli bilancin e sezonin 2023/24 me fitim, për të dytin vit radhazi.
Sipas asaj që raportohet nga Calcio e Finanza, Bordi Drejtues i klubit kuqezi "miratoi të enjten në mbrëmje pasqyrat financiare të konsoliduara për vitin financiar të mbyllur më 30 qershor 2023, të cilat shënuan një rezultat neto pozitiv prej 4.1 milionë eurosh".
Buxheti tani do të shqyrtohet nga Mbledhja e Aksionarëve e planifikuar për në fund të tetorit.
Të ardhurat arritën në 457 milionë euro, 13% më shumë në krahasim me sezonin e kaluar: një shifër që nuk ishte arritur kurrë më parë.
Në përputhje me strategjinë e ndjekur nga RedBird - vazhdon Calcio e Finanza - rritja e të ardhurave ka mbështetur forcimin e vazhdueshëm të ekipit të parë të meshkujve, me synimin për arritjen e rezultateve sportive gjithnjë e më të rëndësishme: investimet e kryera kalojnë mbi 100 milionë në dy sesionet e fundit të merkatos, pa shumën e mbledhur nga shitja e Tonalit te Newcastle.
