Interi triumfoi me rezultatin 4-0, në duelin ndaj Crvena Zvezdës të vlefshëm për Ligën e Kampionëve!
Golin e parë të sfidës, e realizoi Hakan Çalhanoglu nga goditja e dënimit.
Para golit të turkut, Interi nuk kishte shënuar nga goditja e dënimit, në Ligën e Kampionëve që prej 6 prillit 2010 kundër CSKA Moskës dhe asokohe shënoi gol Snajder.
Rrugën e rrjetës në duelin ndaj Crvena Zvezdës e gjeti edhe Lautaro Martinez.
Argjentinasi është tani lojtari i dytë që ka shënuar në gjashtë sezone të ndryshme të Ligës së Kampionëve me Interin, pas Hulio Rikardo Kruz.
