Toni Kroos ka ndarë një detaj të njohur për ish-shokun e tij të skuadrës Cristiano Ronaldo. Ish-mesfushori luajti përkrah ikonës portugeze te Real Madrid për katër vite.
Tani, Kroos, i tërhequr nga futbolli ka ndarë një detaj rreth përkushtimit të Ronaldo-s ndaj futbollit. Ai tha për Madrid Zone:
“Cristiano ishte gjithmonë aty kur shkoja në stërvitje dhe ishte aty kur largohesha. Të gjithë duam të fitojmë tituj dhe të shënojmë gola, por për të, shënimi i golave ishte një varësi pozitive”.
Ronaldo ka shënuar 904 gola për klubin dhe vendin së bashku, një rekord në futbollin e meshkujve. Ai është gjithashtu golashënuesi rekord i Real Madridit me 450 gola në 438 ndeshje.
Kroos dhe Ronaldo luajtën 170 ndeshje së bashku për Los Blancos, duke kontribuar në realizimin e 16 golave.
Sa i përket Ronaldos, ai aktualisht po luan për klubin e Ligës Pro Saudite Al Nassr.
