Mesazh sportiv apo politik, Serbia dhe Shqipëria paraqitën një kërkesë të përbashkët për të pritur Kampionatin Evropian të Futbollit, kështu ka shkruar ditë më parë mediumi serb “Insajder”.
“Është treguar edhe një herë se sporti nuk njeh kufij. Serbia dhe Shqipëria paraqitën një ofertë të përbashkët për të pritur Kampionatin Evropian të Futbollit U-21, i cili luhet në vitin 2027 dhe nga të gjitha llogaritë, janë shumë pranë që fitojnë organizimin e saj.
Presidenti i Federatës së Futbollit të Shqipërisë thotë se është “100 për qind një projekt futbollistik me mesazh të mirë politik”.
Federata e Futbollit të Serbisë ka konfirmuar për se kandidatura e përbashkët është dorëzuar në UEFA. A ka Serbia infrastrukturën e nevojshme për një garë të tillë dhe a është kjo mënyrë vërtet një mesazh politik?”, shkruan më tej.
Siç thotë Mihajllo Todiq, gazetar i “Sportski Zurnal”, kushtet për kandidim janë një gjë, por infrastruktura e nevojshme, të paktën në Serbi, aktualisht nuk ekziston!
“Ne kemi rikonstruktuar dhe rindërtuar stadiume.
Megjithatë, nuk është vetëm stadiumi i nevojshëm për një kompeticion të tillë.
Kemi raste të anulimit të ndeshjeve ndërkombëtare dhe kalimit të tyre nga Lloznica në Beograd sepse nuk i plotësojnë kërkesat e UEFA-s.
Është shumë larg nga aeroporti, nuk ka akomodim të mjaftueshëm cilësor në hotel, nuk ka mjaft fusha futbolli për stërvitje dhe kampe, kështu që aktualisht është një rrëfim i diskutueshëm për një histori të bukur që duhet të na ndodhë”, tha Todiq.
A është një mesazh politik?
“Nuk shoh asnjë arsye për të përzier politikën dhe sportin në atë mënyrë.
Ajo që di është se Shqipëria aktualisht po zhvillohet shumë më shpejt në aspektin futbollistik. Ndërtoi stadiumin e tij kombëtar me donacionet e UEFA-s,
Manchester City hapi kampin e tij në Shqipëri për rajonin. Evropa po kthehet ngadalë drejt Shqipërisë në këtë mënyrë.
Ndoshta duhet t'i shikojmë edhe nga ajo anë këto tensione, pse jemi të anashkaluar, që të fillojmë t'i kemi zili shqiptarëve se ata e kanë e ne nuk e kemi”, ka përfunduar në një intervistë Todiq.
