Liverpool e ka filluar sezonin nën drejtimin e Arne Slot në mënyrë shumë të mirë, pasi ata aktualisht janë në krye të Premier League.
Megjithatë, ka pasiguri mbi të ardhmen e një prej lojtarëve kryesorë të tyre, Trent Alexander-Arnold.
Raportet sugjerojnë se Real Madrid tani ka kontaktuar me përfaqësuesit e mbrojtësit.
Kontrata e lojtarit anglez skadon në fund të sezonit 2024-25.
Me shumë pikëpyetje rreth të ardhmes së tij, Alexander-Arnold nuk ka folur në lidhje me planet e tij, por ka shprehur ambicien e tij për të fituar trofe, duke vënë në dukje se ai është i shtyrë nga dëshira për të arritur sukses.
Real Madridi është kandidati favorit për të siguruar shërbimet e tij, pasi kërkon një zëvendësues të Dani Carvajal, i cili do të mbushë 33 vjeç verën e ardhshme.
Sipas Relevo, Los Blancos tani kanë nisur kontaktet me menaxherët e Alexander-Arnold me synimin për të nënshkruar me të sezonin e ardhshëm.
Me një skuadër të mbushur me yje që lufton për çdo trofe çdo sezon, Alexander-Arnold mund të jetë nënshkrimi i radhës për gjigantët spanjollë.
