Ish-sulmuesi i Real Madridit dhe Paris Saint-Germain, Jese Rodriguez, ka bërë lëvizjen e fundit në karrierën e tij, duke vendosur të shkojë në Malajzi.
Jese ka luftuar për të gjetur një skuadër të përhershme pasi u largua nga Los Blancos dhe ka qenë në gjueti për klube pas një periudhe të shkurtër në Brazil me Coritiba.
Spanjolli ka qenë duke u stërvitur pa një klub që nga janari, por tani ka nënshkruar për skuadrën malajziane Johor Darul.
Pasi u konsiderua një yll i ardhshëm i futbollit, dëmtimet nuk e ndihmuan Jese-n, i cili pati vështirësi të konfirmohej si titullar i rregullt te Real Madrid pas lojtarëve si Cristiano Ronaldo, Karim Benzema dhe Gareth Bale.
Paris Saint-Germain i besoi sulmuesit në 2016-ën dhe pagoi 25 milionë euro për shërbimet e tij.
Megjithatë, Jese nuk arriti të bindte trajnerin Unai Emery në kryeqytetin francez, duke bërë vetëm 12 paraqitje për klubin.
Një seri huazimesh dhe xhiro nëpër klube të ndryshëm e kanë çuar tani atë në Malajzi.
Johor Darul është bërë klubi i 10-të në karrierën e Jese.
Pavarësisht se sulmuesi është vetëm 31 vjeç, Jese ka luajtur për Real Madrid, PSG, Las Palmas (dy herë), Stoke City, Real Betis, Sporting, Ankaragucu, Sampdoria dhe Coritiba.
Vetëm në Madrid dhe Las Palmas, Jese ka luajtur më shumë se 20 ndeshje zyrtare.
