Dëmtimet në fushën e lojës janë normale për futbollistët.
Por ka edhe dëmtime të tjera, më të pazakonta, që ndodhin jashtë saj, në situata që nuk kanë lidhje me këtë sport.
Ajo që i ka ndodhur futbollistit të Ipsuiç, Aksel Tuanzebe, hyn pikërisht të kategoria e dëmtimeve të çuditshme.
Mbrojtësi thuajse ka humbur gishtin e madh të dorës pas një incidenti në kuzhinën e shtëpisë së tij, gjë që e detyroi t’i nënshtrohej ndërhyrjes kirurgjikale dhe të mungonte në ndeshjen e fundjavës për klubin e Premier Ligës.
Trajneri Kiran MekKena konfirmoi se lojtari kishte kryer ndërhyrje kirurgjikale dhe mediat angleze kanë zbuluar prapaskenat e kësaj ngjarje. “Daily Mail” bën të ditur se lojtari po lante pjatat në shtëpi kur është thyer një gotë dhe ai ka pësuar një të çarë të madhe nga copat e qelqit. Për shkak të natyrës së këtij dëmtimi,
Tuanzebe u desh t’i nënshtrohej një ndërhyrje të vogël kirurgjikale për të shpëtuar gishtin e madh të dorës, pasi rrezikohej amputimi i tij.
