Shpëtim Duro është shumë afër shkarkimit nga posti i trajnerit të Suharekës pas dy humbjeve të njëpasnjëshme që kanë tronditur skuadrën e tij.
Humbja e parë erdhi kundër Llapit, ku Suhareka u mposht 3-0, një rezultat që befasoi shumë njerëz duke marrë parasysh formën e mëparshme të skuadrës.
Por ajo që e përkeqësoi situatën ishte humbja në shtëpi ndaj Malishevës me rezultatin 1-3, një disfatë që ka vendosur seriozisht në dyshim vazhdimësinë e Duros në stolin e Suharekës.
Rezultatet e fundit kanë shkaktuar shqetësime tek drejtuesit e klubit, të cilët tani janë të detyruar të analizojnë situatën dhe të marrin një vendim të rëndësishëm.
Performanca e dobët në këto dy ndeshje, si dhe mungesa e rezultateve të qëndrueshme, po i shtyjnë drejt një ndryshimi në stafin teknik.
