Ish-ylli i Real Madridit, Joselu e ka quajtur trajnerin aktual të Los Blancos, Carlo Ancelotti, trajnerin më të mirë që ka parë klubi.
Lojtari spanjoll luajti nën drejtimin e teknikut italian gjatë sezonit 2023-24.
Nën drejtimin e Ancelottit, Joselu bëri 49 paraqitje në të gjitha kompeticionet, duke shënuar 17 gola dhe duke dhënë tre asiste.
Klubi gjithashtu arriti të fitojë Champions League dhe La Liga sezonin e kaluar.
Megjithatë, gjigantët spanjollë nuk e kanë nisur shumë mirë këtë sezon dhe aktualisht janë tre pikë prapa Barcelonës në La Liga.
Ata gjithashtu pësuan një humbje 1-0 ndaj Lille në ndeshjen e tyre të fundit në Champions League.
Kur u pyet për formën e Ancelottit këtë vit, Joselu tha për MadridXtra:
“Ancelotti është trajneri më i mirë që ka pasur ndonjëherë Real Madridi. Nuk mund të kritikohet për dy ose tri ndeshje. Ne e dimë se çfarë pritshmërie ka te Real Madridi”.
Trajneri 65-vjeçar aktualisht po kalon periudhën e tij të dytë në Santiago Bernabeu.
Ai ishte në kryeqytetin spanjoll midis 2013 dhe 2015 dhe më pas vendosi të kthehej në klubin spanjoll në verën e vitit 2021.
Në përgjithësi, ai ka drejtuar 303 ndeshje në të gjitha kompeticionet me Los Blancos, duke fituar tre trofe të Champions League dhe dy tituj të La Ligas, ndër të tjera trofe.
Nëse ai është apo jo më i miri për të trajnuar klubin, është për t’u debatuar.
Disa trajnerë të tjerë kanë shijuar periudha të mira në Real Madrid, duke përfshirë Jose Mourinho, Vicente del Bosque dhe Zinedine Zidane, ndër të tjera.
