Ish futbollisti i gjeneratës së artë të Prishtinës, Gani Llapashtica, tha se ndihet krenar që tash e sa vite futbolli i Kosovës është në rrafshin ndërkombëtare dhe uron që me kombëtare të arrijnë sa më shpejt kualifikimin në ndonjë garë të madhe siç është Kampionatin Evropian apo Kampionati Botëror.
Veterani i futbollit flet me respekt të veçantë për kryetarin e Federatës së Futbollit të Kosovës, Agim Ademi.
“Plotësisht e përkrahi federatën dhe kryetarin Agim Ademi. Mburrem me punën e Ademit. Pas Fadil Vokrrit, tani Agim Ademi po tregon një punë të madhe e me nderë.
Disa mundohem me ia marr postin por është një gabim sepse Ademi po bën një punë të madhe.
I uroj punë të mbarë Ademit dhe stafit të tij”, thotë Llapashtica për gazetën kombëtare “Bota sot”.
Kosova është para sfidave të Ligës C të Kombeve, ku me 12 tetor luan me Lituaninë vendase dhe me 15 tetor e presin Qipron në kuadër të Ligës së Kombeve.
Llapashtica i dëshiron suksese dhe pikë të plota.
“Kosovës i dëshiroj suksese në dy lojë, pikë të plota. Uroj që një ditë të kualifikohet, që do të ishte qershia mbi tortë. Çdo fitore e sukses i Kosovës na gëzon të gjithëve”, tha Llapashtica.
