Emri i tij përflitet se do të marrë drejtimin e Laçit, por kur mungon zyrtarizimi nga ana e klubit kurbinas, vjen konfirmimi nga mediat italiane, që shkruajnë se ditën e sotme Francesco Moriero do të prezantohet si trajneri i ri i Laçit.
Shqipëri, Maldive, Shqipëri: kështu mund të përmblidhet e shkuara e afërt e Francesco Moriero. Ish-futbollisti mes shumë ekipeve edhe i Romës dhe Interit zgjodhi të startojë sërish nga elita e futbollit shqiptar pas aventurës së tij në krye të kombëtares së Maldiveve, duke pranuar propozimin e KF Laci.
Ky është një rikthim, duke qenë se trajneri i Leçes kishte drejtuar tashmë Dinamon e Tiranës në vitet 2020-2021.
Aktualisht në fund të tabelës me vetëm 3 pikë të fituara në 8 ndeshje (3 barazime dhe 5 humbje), Laçi do ta bëjë atë të nënshkruajë një kontratë njëvjeçare mëngjesin e sotëm me opsion për një sezon të mëtejshëm.
Kjo është aventura e pesëmbëdhjetë si trajner për Moreiron. Lanciano, Crotone, Frosinone, Grosseto, Lugano, Grosseto sërish, Leçe, Catanzaro, Catania, Sambenedettese, Cavese, Dinamo e Tiranës dhe Maldive, përpara se të kthehej në Shqipëri.
