Zhgënjimi dhe ngjarjet që ndodhën në ndeshjen e fundit të Milan, që u mund 1-2 nga Fiorentina, ndodhën nën vëzhgimin e Zlatan Ibrahimoviç. Tashmë drejtuesi i klubit kuqezi ka zbarkuar në Milanello, me një mision të veçantë: Të ribashkojë skuadrën pas incidenteve të fundit.
Ditët e fundit Fonseca ka treguar pesë liderë të ndryshëm të dhomës së zhveshjes, nga Kalabria te Theo Hernandez (i kuq në Firence), deri te Leao, Morata dhe Maignan. Secili me pikat e forta dhe të dobëta. Për tifozët kuqezi, Gabbia është tashmë një pikë referimi, aq sa e meriton shiritin e kapitenit.
Nga pikëpamja teknike, Pulisic është i pazëvendësueshëm, por shumë i heshtur për një rol që përfshin edhe marrëdhëniet në fushë. Ajo që mungon është Ibrahimovic, i cili ka qenë lider në fushë për Milan falë talentit dhe të qenurit karizmatik.
Tashmë Ibrahimovic është gati të veprojë sërish, jo si herën e fundit kur mungoi në stërvitje. Asokohe, një muaj më parë, mungesa e tij ishte diskutuar në një moment kaq delikat të sezonit që po kalonte skuadra. Tani është ndryshe: Ibra është aty dhe është parë në qendrën sportive.
Prania e tij mund të jetë e rëndësishme për të folur me grupin dhe për të rivendosur besimin dhe qetësinë. Zlatan do të jetë në gjendje të takohet me ish-shokun e tij në dhomën e zhveshjes, Tomori dhe të flasë me ish-kolegun e tij Abraham, një qendërsulmues në krizë sepse nuk ka shënuar gol.
Ibra do të jetë në gjendje ta këshillojë atë më së miri. Mes kuqezinjve që mbetën te Milanello është Kalabria, i dëmtuar. Suedezi do të jetë në gjendje ta mbështesë atë si dhe lojtarët e tjerë të pa thirrur në ekipin kombëtar: Emerson Royal dhe Loftus-Cheek, dy që alternojnë paraqitjet e mira me ato më modeste.
