Khvicha Kvaratskhelia i Napolit e ka fituar çmimin e lojtarit më të mirë të muajit shtator në Serie A, ka njoftuar “Lega Serie A” të enjten.
Bashkëlojtari i Amir Rrahmanit e mposhti në konkurrencë Christian Pulisicin e Milanit.
Gjeorgjiani Kvaratskhelia shënoi dy gola në muajin shtator, ndërsa Napoli i drejtuar nga Antonio Conte fitoi ndaj Cagliarit dhe Monzas. Napoli është në vendin e parë me dy pikë më shumë se Interi i vendit të dytë.
Trofeu i këtij çmimi do t’i jepet Kvaratskhelias para ndeshjes Napoli – Lecce, që zhvillohet më 26 tetor.
