Pushimi i futbollit europian për ndeshjet e kombëtareve nuk e ndaloi Leganes, që fitoi një trofe special duke mposhtur Valladolidin mbrëmjen e 10 tetorit.
Dy skuadrat spanjolle të La Liga-s garuan për “Pepino d’Or”, një çmim i veçantë për të cilin skuadra bardheblu luan çdo vit në një ndeshje të vetme kundër një kundërshtari gjithmonë të ndryshëm.
Çmimi shumë kurioz përbëhet nga një kastravec i artë i vendosur në një piedestal të kompletuar me targën e ndeshjes.
Trofeu, i cili mund të duket si një ekstravagancë e thjeshtë ose një gjetje e çuditshme marketingu, në fakt i ka rrënjët në historinë e qytetit të Leganes.
Kastraveci është në fakt një simbol për të gjithë tifozët e klubit, të mbiquajtur “pepineros”, domethënë kultivuesit e kastravecit, dhe vetë simboli është një kastravec i maskuar.
Arsyeja për këtë lidhje të çuditshme mes perimeve dhe klubit gjendet në traditën e qytetit të Leganes, e cila u pasurua falë kultivimit të frutave dhe perimeve që eksportoheshin në Madridin e afërt.
Mbi të gjitha, kastraveci ka mbetur si një ushqim tipik i qytetit, duke u bërë simbol i këtij të fundit.
