Ederson ka konfirmuar se ka marrë një ofertë nga Arabia Saudite këtë verë, por një bisedë me Pep Guardiola-n e bindi atë të qëndrojë te Manchester City.
Portieri brazilian ishte afër një transferimi te Saudi Pro League në verë, me klubet kryesore të kampionatit arab si Al-Ittihad dhe Al-Nassr që janë munduar ta marrin.
Megjithatë, Ederson u bind nga Guardiola të qëndrojë te Manchester City.
Braziliani tha për TNT Sports:
“Mora një ofertë që më bëri të mendoja seriozisht për të ardhmen sepse ishte e pazakontë… Pata biseda të shumta me Guardiola-n, dhe një prej tyre ishte thelbësore.
“Gjërat që më tha ai, garancitë, procesi dhe evoluimi që pata me të… Të gjitha ato më bindën të qëndroja te City”.
