Si gjithmonë Mario Mitaj nuk zhgënjen asnjëherë. Talenti i mbrojtjes edhe ndaj Gjeorgjisë shkelqeu në fushën e lojës.
Pavarësisht moshës së tij të re, siguria dhe loja e tij duken prej një “veteran”.
Titullarë i padiskutueshëm te kuqezinjtë, me Sylvinhon që asnjëherë nuk e zëvendëson, duke e lënë në fushë për 90-të minuta.
Ndaj gjeorgjianëve ishte një lider, 34 pasime, të gjitha të SAKTA! Asnjëherë s’e humbi topin, teksa e rikuperoi atë 4 herë. Thjesht i mrekullueshëm.
Pas kësaj fitore ka shkruar se gjithmonë e më shumë është emocion i bukur të fitosh me këtë fanellë. Ndër të tjera falenderon edhe tifozët për mbështetjen, ndërsa shkruan se të gjithë JEMI NJË.
“Çdo herë dhe më i bukur emocioni i fitores me atdheun tim. Faleminderit të gjithë tifozëve për përkrahjen. NE JEMI NJË!”, shkruan talenti i Kombëtares.
