Shqipëria mori një fitore të rëndësishme në transfertë përballë Gjeorgjisë në Tbilisi. Sfida e vlefshme për raundin e 4-të të Nations League përfundoi 0-1 në favor të Kombëtares sonë.
Megjithatë, Mirlind Daku ishte një nga ata lojtarët që u sforcua më së shumti, për shkak të një dëmtimi të pupallogjisë, ose më saktë muskujve poshtë barkut. Newsport ka mësuar se sulmuesi me origjinë nga Gjilani luajti kundër Gjeorgjisë me injeksione, duke sforcuar jashtë mase veten.
Daku është nisur menjëherë drejt Romës duke lënë veten në duart e fizioterapistit, Fabio i cili më parë ka shëruar legjenda si Leo Messi, Alexandre Pato apo Ricardo Kaka.
Një lajm tepër i keq ky për Dakun, Sylvinhon dhe Kombëtaren shqiptare. 26-vjeçari rrezikon sfidat e nëntorit në “Air Albania”, atë kundër Republikës Çeke dhe Ukrainës.
Megjithatë aftësitë e fizioterapistit bëjnë që në stafin e Kombëtares të ketë shpresë për rikuperimin e shpejtë të sulmuesit.
