A do të luajë Lionel Messi në Botërorin 2026?
"Unë nuk caktoj data apo afate," tha ai pas tregolëshit të shënuar në fitoren e thellë 6-0 të Argjentinës ndaj Bolivisë.
Në moshën gati 39-vjeçare, fenomeni nga Rosario mund të provojë të konfirmojë titullin e fituar në Katar.
Pak muaj më parë, lojtari i Inter Miamit ishte më i kujdesshëm për mundësinë e arritjes në kampionatin botëror të radhës, por me kalimin e kohës, dëshira e tij për të provuar sa vjen e shtohet.
Për më tepër, pasi kishte fituar dy edicione radhazi të Kupës së Amerikës, fitimi i dy Kupave të Botës radhazi mund ta vendosë atë pa diskutim në krye të Olimpit të futbollit.
Messi mund të thyejë dy rekorde në eventin më të madh të futbollit të pas dy viteve: ish-lojtari i Barcelonës tashmë është një nga ata pak futbollistë që kanë arritur të luajnë pesë edicione radhazi në Botëror.
Antonio Carbajal (Brazil 1950, Zvicër 1954, Suedi 1958, Kili 1962 dhe Anglia 1966).
Rafael Márquez (Korea-Japoni 2002, Gjermani 2006, Afrika e Jugut 2010, Brazil 2014 dhe Rusi 2018.
Lothar Matthäus (Spanjë 1982, Meksikë 1986, Itali 1990, Shtetet e Bashkuara 1994 dhe Francë 1998)
Gianluigi Buffon (Francë 1998, Kore-Japoni 2002, Gjermani 2006, Afrika e Jugut 2010 dhe Brazil 2014).
Cristiano Ronaldo (Gjermani 2006, Afrika e Jugut 2010, Brazil 2014, Rusi 2018 dhe Katar 2022).
Askush nuk ka luajtur ndonjëherë në gjashtë Botërorë, një rekord që gjithashtu mund të jetë joshës edhe për asin portugez.
Rekordi i golave të Kupës së Botës: Messi aktualisht ka 13 gola, prandaj do t'i duhen tre gola për të barazuar rekordin e gjermanit Miroslav Klose, kampion bote me Gjermaninë në vitin 2014 dhe shënues i 16 golave në total. Messi duhet të kalojë edhe gjermanin Gerd Müller (14) dhe brazilianin Ronaldo (15).
