Reprezentuesi i Kosovës, Edon Zhegrova, ka treguar angazhim e lojë të mirë në fanellën e Lille-s, e cila sonte ka marrë pikë në konak të Monaco-s.
Ballafaqimi mes Monacos dhe Lilles ka përfunduar ashtu si nisi, me rezultat 0:0. Monaco mbetet pa një lojtar nga minuta e 61-të, kur futbollisti Teze u përjashtuar me karton të kuq.
Këtë epërsi numerike nuk e shfrytëzoi LIlle. Zhegrova është zëvendësuar në minutën e 84-të.
Pas javës së 8-të në elitën e futbollit francez, Monaco kryeson me 20 pikë (me 6 fitore e 2 barazime, pa humbje) e Lille zë pozitën e 4-të me 14 sosh.
