Për të shpëtuar futbollin dhe për t'i kthyer vlerën, është gati një raport më se i detajuar i cili në ditët në vijim do t'i prezantohet FIFA-s nga David Dein, ish-trajneri i Arsenalit, i cili ka punuar për vite krah për krah me Arsene Wenger, sot kreu i zhvillimit global të FIFA-s dhe një figurë udhëheqëse në organin legjislativ të Bordit Ndërkombëtar të FA.
Ku konsiston propozimi? Në reduktimin i ndeshjeve në dy pjesë nga 30 minuta kohë efektive: “Edhe tani mesatarja e lojës nuk i kalon 60 minutat, gjithçka tjetër është kohë e humbur”.
David Dein është gati të vërë bast se propozimi i tij do të jetë i suksesshëm dhe do të dëgjohet nga Bordi, i cili është përgjegjës për ndryshimet zyrtare në lojën e futbollit.
Janë disa arsye që e bëjnë optimist ish-zëvendëspresidentin e Arsenalit: së pari, ai është mik i Wengerit për mbi 30 vjet, që nga koha e “Topçinjve”, dhe me francezin në bordin e FIFA-s rruga është e hapur.
Më pas, diskutimet që janë zhvilluar muajt e fundit me gjyqtarët kryesorë anglezë dhe ish-arbitra kanë treguar se të gjithë janë dakord të pranojnë se sistemi aktual i llogaritjes së kohës së dëmtimit nuk përputhet me realitetin.
Së fundmi, studimi analitik i asaj që po ndodh tashmë në Premier League dhe kampionatet kryesore evropiane. "Unë do të doja të shihja dy gjysma prej 30 minutash lojë efektive, me kohën që ndalet kur topi nuk është në lojë. Në këtë mënyrë ne do të shmangim kohët shtesë që janë ose të gjata ose shumë të shkurtra, por kurrë të sakta”.
Studimi "shkencor" pas propozimit për dy pjesë 30-minutëshe
"Tashmë në kampionatin anglez, por edhe në turnetë e mëdha evropianë, ndodh që koha reale e lojës së një ndeshjeje është në fund të fundit më pak se 60 minuta. Rreth 57-58 minuta, gjithçka tjetër është kohë e humbur", shpjegoi Dein, i cili studion prej muajsh fenomenin e kohës shtesë dhe lojën efektive.
"Unë i kam pyetur të gjithë gjyqtarët e Premier League-s, kur gjyqtari i katërt mban tabelën e rezultateve për dy, tre ose katër minuta, nëse kjo është një kohë e saktë në krahasim me realitetin. Përgjigja ka qenë gjithmonë “Jo, nuk ka mundësi të jetë kjo”. Pra, ne duhet të jemi në gjendje të dimë se sa zgjat një ndeshje futbolli, kështu që propozimi im është shumë i thjeshtë dhe efektiv.”
Nga lindi ideja për propozimin kohës efektive
Për Dein, pra, futbolli aktual është i ndotur nga kohët shtesë, që tani vazhdojnë për periudha që çojnë gjithnjë e më shumë në diskutime. Dein e mori si matës humbjen e Anglisë në finalen e Euro 2024 kundër Spanjës: më shumë se nëntë minuta lojë humbën gjatë ndeshjes, por në fund të 90 minutave u luajtën vetëm katër minuta shtesë.
"Një festë goli zakonisht zgjat dy minuta; një kontroll në VAR mund të zgjasë jo më pak se dy minuta. Pastaj janë lëndimet, mesatarisht ato zgjasin nga një minutë deri në dy. Plus zëvendësimet. Në një ndeshje, duke i mbledhur të gjitha këto që ndodhin, arrin lehtësisht 10 minuta. Tani hapi tjetër është që Ifab të pranojë të testojë propozimin tim”.
