Risi nga Qyteti Sportiv Joan Gamper: FC Barcelona ka publikuar në rrjetet e saj sociale një video të Marc-André ter Stegen.
Sipas njoftimit të klubit blaugrana, portieri gjerman ka nisur rikuperimin e tij pas dëmtimit të rëndë të gjurit që pësoi kundër Villarreal në fund të shtatorit.
Thyerja e plotë e tendinit patelar të gjurit të djathtë e detyroi të kryente operacion dhe këtë të premte, disa javë më pas, ai ka nisur të ushtrohet në fushë.
Edhe pse është e qartë që Ter Stegen ka ende shumë kohë për t’u rikthyer në garë – pas ndërhyrjes, shërbimet mjekësore të klubit blaugrana parashikuan rreth tetë muaj mungesë – fakti që ai tashmë ka nisur të bëjë ushtrime në fushë nën drejtimin e fizioterapistëve tregon se rikuperimi i tij po ecën mirë dhe progreson siç duhet.
Në video, portieri gjerman buzëqesh disa herë. “Jam pozitiv dhe i fortë, tashmë jam i fokusuar në rikuperimin tim,” publikoi ai në Instagram disa orë pas dëmtimit të rëndë në gjurin e tij në La Cerámica.
Qëndrimi i Marc-André do të jetë shumë i rëndësishëm në muajt në vijim, gjatë të cilëve ekipi ku ai luan do të duhet të mbijetojë pa të.
Szczesny dhe Iñaki Peña do të mbrojnë portën blaugrana në mungesë të tij.
