Prishtina ka treguar “muskujt” në stadiumin “Liman Gegaj” në Malishevë, duke e shtangur me rezultat 3:1 liderin e Kampionatit të Kosovës, Malishevën.
Prishtina ka treguar lojë të mirë dhe si pasqyrë e kësaj ka importuar tre pikë të mëdha në luftë për kreun e tabelës.
Malisheva avancoi me rezultat 1:0 me golin e Hazrollajt në minutën e 3-të por kjo epërsi nuk ka zgjatur më shumë se 4 minuta.
Në minutën e 7-të, Akinbule ka barazuar rezultatin dhe në fund të pjesës së parë (45+2’) Gallapeni realizoi për 1:2.
Gjithçka u qartësua në minutën e 74-të, kur Vitija realizoi për 1:3.
Malisheva nga minuta e 73-të, Malisheva mbetet me një lojtar më pak.
Pas javës së 9-të, Malisheva kryeson me 17 pikë, ndërsa Prishtina është në vend të dytë me 16 pikë (një ndeshje më pak).
