Tirana dhe Dinamo kanë barazuar në sfidën e vlefshme për javën e 9-të të Superiores.
Ndeshja e zhvilluar në Vlorë përfundoi 0-0. Pas kësaj sfide ka folur “Lojtari i Ndeshjes”, Fatmir Prengaj.
“Jam deri diku i kënaqur me lojën që bëmë, por ishim të pafatë. Por të vazhdojmë kështu me këmbë në tokë. Po ta shohim unë sot isha i pafat, i kërkoj falje ekipit pasi trajneri e ka bërë gjithë lojën për ne të krahut.
Gjithë javës loja jonë ka qenë e punuar dhe ekipi priste që unë të shënoja.
Shpresoj të shënoj sa më shpejt. Duhet t’i ruaj ndonjëherë energjitë, por nuk jam i lodhur, e ndiej veten shumë mirë. Duhet të jem më i fortë para porte”, tha Prengaj.
