Hansi Flick ka folur edhe njëherë për raportet e tij me Xavin.
Trajneri aktual i Barcelonës deklaroi se kishte raporte të mira me spanjollin kur ishte në Gjermani, por që situata ka ndryshuar.
“Kur isha trajner i Gjermanisë, kisha një marrëdhënie të mirë me Xavi”, deklaroi Hansi Flick në konferencën e tij për shtyp.
“Tani situata është ndryshe dhe unë prita pak për të kontaktuar me të. Përfitova nga ngjarja e Iniestës për t’i kërkuar që të pinim një kafe së bashku”, shtoi Flick.
Në fillim të kësaj jave, Flick u pa duke pozuar me Xavin dhe fëmijët e tij pas një takimi të rastësishëm mes dy trajnerëve.
Në maj, Barcelona vendosi të shkarkojë Xavi pas dy vjet e gjysmë në krye të ekipit. Ish-mesfushori i udhëhoqi ata drejt titullit të La Ligës në sezonin 2023.
